Кошаркарите на Денвер Нагетс ноќеска во Атланта ги победија Хокс со 129:122 и ја прекинаа серијата од три последователни порази.
Атланта подобро влезе во натпреварот и по првата четвртина имаше осум поени предност. Сепак, Денвер се разбуди во продолжението и успеа до полувремето да направи пресврт (65:62).
Клучна беше третата четвртина каде Денвер продолжи да доминира и ја искористи капиталната предност. Иако Атланта повторно го зголеми даде гас до крајот на натпреварот, немаше начин да се спаси, па мораше да му подаде рака на подобриот тим.
Најефикасен во редовите на Денвер беше Џамал Мареј со 29 поени, но овој натпревар остана во сенка на судирот на кошаркарите од Србија.
Никола Јокиќ во победничкиот тим имаше 25 поени, 9 асистенции и 8 скока. Но, ноќта ја одбележа неговиот сонародник Богдан Богдановиќ, кој го одигра натпреварот на кариерата. Тој постигна 40 поени постигнувајќи 10 тројки од 17 обиди. Имаше и 3 скока и асистенции. Сепак, му недостигаше поддршката од соиграчите и само Дежонтеи Мареј со 21 поен беше расположен.
Богдановиќ стана првиот кошаркар со 40 поени и 10 тројки во историјата на Атланта и само вториот кошаркар во историјата на НБА со ваков учинок откако влезе во игра од клупата за резерви. Пред него само ЏејАр Смит со 10 тројки стигна до 40 поени.
Денвер е четврти во западната конференција на НБА со 15 победи и 9 порази, додека Атланта е 10-та на Истокот со скор 9-13.
Табела:
