Фудбал

Бесценето: Моментот кога Меси ја доби Златната топка

3. декември 2019 - 8:53 | А.С.

По рекорден шести пат, Лионел Меси ја освои Златната топка за Најдобар фудбалер.

Во анкетата на францускиот неделник France Football за 2019 година, напаѓачот на Барселона со 686 поени го победи одбранбениот играч на Ливерпул Вирхил ван Дајк кој заврши на второто место со 679 поени.

Меси веќе го доби трофејот во 2009, 2010, 2011, 2012 и 2015 година, а сега го наследува од Лука Модриќ.

Моментот кога беше соопштено неговото име на синоќешната свеченост беше бесценет и ја покажа уште еднаш скромноста на аргентинскиот фудбалски генијалец:

Меси цел ден беше во центарот на вниманието и се навестуваше дека тој ќе биде број 1.

Вчера се појави слика со наводните резултати, според кои тој навистина беше на врвот. Сепак, тие се покажа невистинити, бидејќи позициите на другите играчи не се совпаѓаат.

Најголемиот ривал на Лео во последните 10 години, Кристијано Роналдо кој сега игра во Јувентус, заврши на третото место со 476 поени. Португалецот не присуствуваше на церемонијата во Париз, туку одлучи да остане во Италија за доделувањето на Калчо наградите.

Ова е втор случај за 14 години и прв од 2010 година, Роналдо да не се најде на една од првите две позиции. Роналдо го освои трофејот во 2008, 2013, 2014, 2016 и 2017 година. Во 2007 загуби од Кака, во 2009, 2011, 2012, 2015 година прв беше Меси, додека во 2018 година Лука Модриќ беше пред Португалецот. Во 2010 година, Роналдо го зазеде шестото место.

Ван Дајк ги коментираше резултатите од гласањето за Златната топка.

„Меси е извонреден играч, прекрасен, фантастичен. Тој победи по шести пат. Бев многу блиску до трофејот, но сепак, тој беше малку подобар од мене. Горд сум на она што го направив минатата сезона. Никогаш не помислив дека можам да ја освојам Златната топка. Имам сосема друга кариера, но никогаш не се откажав од соништата. Да се ​​биде тука е голема чест за мене“, напиша Холанѓанецот на Twitter.

Златната топка (Ballon d'Or) се доделува секоја година од 1956 година на најдобриот фудбалер на годината.