Четврта вечер по ред улиците на Барселона беа преполни со луѓе, а овој пат се придружија и шпански нацисти заедно со унионистите на контрапротест и настана хаос.
Сѐ повеќе и повеќе народ излегува на улиците на каталонската престолнина во знак на протест поради одлуката на Врховниот суд на Шпанија да ги осуди организаторите на референдумот за независнот на Каталонија.
Синоќа имаше нереди низ градот, а проблем за полицијата да го сочува јавниот ред и мир направија шпанските нацисти кои дојдоа во Барселона за да се пресметаат со борците за независност. Тие им се придружија на унионистите кои организираа контрапротест кој потоа излезе од контрола.
Нацистите палеа барикади и кршеа кафулиња на познатата улица Ла Рамбла, а тепаа и кого ќе стигнеа.
За разлика од Шпанците, Каталонците протестираа веејќи знамиња, играјќи си со топка и прескокнувајќи јажиња.