Кошарка
ФИБА СВЕТСКО ПРВЕНСТВО КИНА 2019

Австралија ја победи Чешка и стана последниот полуфиналист на СП 2019

11. септември 2019 - 17:12 | А.С.

Кошаркарите на Австралија се последните учесници во полуфиналето на Светското првенство во кошарка што се игра во Кина – тие им се придружуваат на Аргентина, Шпанија и Франција во борбата за медали.

Австралија денеска ја совлада Чешка со резултат од 82:70 и се избори за полуфинале.

Пети Милс беше најефикасен во редовите на победничката екипа со 24 поени и 6 асистенции, додека во екипата на Чешка подобар од останатите беше Томаш Саторански на кого му недостигаше еден скок за трипл дабл (13 поени, 9 скокови и 13 асистенции).

Полуфиналните средби се на распоред во петок, а играат Шпанија-Австралија (од 10 часот) и Аргентина-Франција (14 часот).