Во 2020 година, Адел изненади со својата физичка трансформација откако ослабе 45 килограми. Таа објасни дека сегашната тежина ја достигнала преку дневна рутина.
Адел појасни дека поради менталното здравје одлучила секојдневно да вежба, а дека слабеењето не ѝ било цел.
„Јас вежбам сила наутро, потоа попладне обично планинарам или боксувам, а навечер вежбам кардио“, изјави таа.
Таа истакна дека покрај секојдневните тренинзи се грижи и да ѝ биде урамнотежена исхраната.
„Почнав поради мојата анксиозност. Со вежбање се чувствувам подобро. Никогаш не се работеше за слабеење, важно ми беше да станам силна и секој ден да поминувам сѐ помалку време на мојот мобилен телефон“, откри таа.
Исто така нагласи дека имала помош од тренер и признала дека тоа можеби не е изводливо за многу луѓе.
„Луѓето зборуваат за моето тело веќе 12 години. Тие зборуваа за тоа и пред да ослабам. Но, не ми е грижа“, тврди Адел.