12 ноември 1996, смртоносен судир над индиското небо

Летот 763 на Saudi Arabian Airlines и летот 1907 на Kazakhstan Airlines се судрија над Индија при што загинаа 349 лица што претставува трета најсмртоносна авионска несреќа.

Истрагата покажала дека виновник бил казахстанскиот авион тип Ilyushin Il-76 кој летал од казахстанскиот град Шимкент до Њу Делхи. Наместо да лета на височина од 4.600 метри тој се спуштил повеќе од 300 метри и налетал на саудискиот авион Boeing 747-168B кој штотуку полетал од Њу Делхи кон Дахран во Саудиска Арабија. Проблемот бил што казахстанските пилоти инструкциите од кулата ги добивале во стапки и милји, а биле научени на метри и километри.

Опашката на казахстанскиот авион удрила во левото крило на саудискиот авион предизвикувајќи драстична штета на двата авиона кои повеќе не можеле да се контролираат.

Несреќата е позната како Чархи Дадри, според селото над чие небо се случил судирот.